Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

投資, 股票投資, 股巿短評, 個股分析, 投資組合, 即巿交流

中國中車 (01766) 及中國石油股份 (0857)

中國中車 (01766): 集團主要從事鐵路機車、客車、貨車、動車組、城軌地鐵車輛及重要零部件的研發、製造、銷售、修理和租賃,以及軌道交通裝備專有技術延伸產業等業務。

公司因南車北車合併而於2015年4月升至$20歷史高位後,股價便一直反覆回落。即使其後得到股神畢菲特的好友李祿垂青 (現持有公司6.13% H股) ,以及於2015年12月被納入為國企成份股,亦無助其扭轉弱勢。在過去一年,公司的股價大部份時間都徘徊於$6.50 – $8.00 水平,在國企成份股之中可算是非常落後。

雖然公司因動車訂單疲弱而令首季純利按年跌42﹒1%,但預期此情況可望在第二季得以扭轉。配合中國一帶一路的政策逐漸成型,中車的業績有望在今年出現明顯改善。按港交所的權益披露顯示,李祿於2016年1月的申報增持價為$7.20,現時股價甚至比該水平還要低,可見有一定的長線投資價值。投資者可考慮於$7.00水平吸納,中線以年內高位$7.75 為目標,如能成功突破該水平,股價長線有望向$10 進發。止蝕位則訂於$6.80 水平。

 

中國石油股份 (0857): 集團主要從事原油及天然氣的勘探、開發、生產和銷售;原油及原油產品的煉制,煉油產品的銷售及貿易,以及天然氣、原油和成品油的輸送及天然氣的銷售。

港股自年初至今,由22,000點水平升至最高約26,000點水平,升幅高達18%。但由於油價急挫,三大油股於同期皆錄得明顯跌幅. 。若以近日低位$4.76 計算,中石油於今年跌幅高達17.4%,在藍籌股之中可算是數一數二。

在環球經濟明顯復甦的情況下,預期石油需求將會增加,供求失衡的問題亦得以解決,油價近日亦明顯自低位大幅反彈。特別在巨型油企沙特阿美計劃在明年上市的前提下, 油價在現水平應有一定支持。而股價與油價關係性甚高之中石油,亦有望於$4.80 – $5.00 附近築底。投資者可考慮於$5.00 或以下位置吸納,中線以年初高位$6.00水平為目標。如油價回升或有其他資產重組消息帶動下,長線有望重返$10.0 水平。止蝕位則應訂於$4.50 水平。

Kyle 2017/07/06 1 Comment Permalink

京能清潔能源 (0579)

 

 

之前兩次飯局, 都有讀者要求我寫番多D個股分析..咁就應大家要度寫一隻啦….今次既目標都係一D我認為有投資價值既二/三線股份

而呢隻就係京能清潔能源. 大家要留意一點, 我覺得煤價最低潮已過, 所以之前提過電力股既成本唔會再好似以前咁平…

但我check 過579 既segment result, 佢其中主要既收入係燃氣發電, 同煤價無關

 

今次既業績主要係參考佢2016年既中期報告, 以及第三季既財務數據作出分析

 

吸引之處 –

 

  1. 大家都知道北京既霧霾好勁…..大陸既空氣污染問題好嚴重就一直都無改善, 本身作為清潔能源既行業一定會受到國策支持.
  2. 部份新能源業務, 都係需要國家補貼先會賺到錢 (好似新能源車咁)…但睇番佢中期報告other income 提到, 公司既government grant 由上年度既$1,418K 跌到今年有$516K. 但公司bottom line (Profit after Tax) 不跌反增..可見公司係本業賺緊錢…而唔係靠補貼渡日, 即使將來國家收緊補貼, 對佢影響亦有限……
  3. 以現時股價$2.25 計算, 現時公司預期市盈率及息率分別為5.766 倍及4.472%. 翻查過往公司盈利, 表現都一直穩定, 而派息亦有增無減. 由於佢有出季度業績, 即使全年業績未到都大概估到佢既表現…按預測, 佢既全年盈利應該稍為優於上一年度, 但升幅應該單位數之內…不過一間公司不足6 倍PE 及有近4.5% 息…如果保持到的話, 即使增長持平都已經算OK
  4. 雖然公司既負債比率較高 (所有新能源股都係咁), 公司大股東為北京國有資本經營管理中心, 屬國企成員之一, 只要佢營運穩定, 利潤又足以支持其借貸, 負債水平較高亦可接受
  5. 公司現時市值超過50億, 過往12個月亦高於50億水平……屬於深港通可交易股份之一…如果深港通起動, 新能源股亦算係受惠板塊之一
  6. 同整體大市一樣, 近日公司股價走勢向下….不過從日線圖可以睇到, 公司去到$2.20 水平係一個唔錯既支持位置……再退一步去睇週線圖, 其後$1.90 已經有另一個好大既支持…….現價計下行既風險唔算大
  7. 最後一點, 亦係最主要一點…公司過往幾個月不斷被中再保 (1508) 增持…最新持股量已經超過17%…#1508 第一次申報係今年4月26日, 當時申報增持價格為$2.46…之後佢係$2.29 – $2.46 之間係市場增持左近300,000,000股….現時H股計已經係最大單一股東 (北控第二)…我一向都同大家講, 大戶既入市位一向都係值得參考既指標 (新公司上市, 基礎投資者圍飛唔計)…若參考其買入價, 現時應該係唔錯既中長線投資水位……..睇番近日既成交, 個人估計1508 仍然係市場吸納緊579…(P.S. 近日既打擊舉牌, 只係打擊非國企資金, 1508 本身係國企, 579 又係自己人..所以應該唔受影響)

 

缺點 –

 

  1. 正如上面所提, 公司既負債比率唔低…其中佢更加有$6,000M 既short term debenture, 令到公司有net current liabilities 既情況…不過好大可能呢Debenture 都可以renew, 或者做refinancing..所以唔係大問題…但負債比重較高既公司, 佢地財政上一定冇咁穩健, 風險上亦會較高
  2. 股價近日向下, 即月低位$2.22 亦係日前發生….一旦跌穿有機會再向低走…要有捱價心理準備
  3. 都好一段時間無咩資金對新能源股有興趣….始終股價向上都需要有動力 (成交) 支持….除非1508 增持得好急 (但機會唔大), 否則要有較長線既心理準備

 

 

 

因為走勢偏弱既問題…我會建議大家分兩注入市…第一注, 可以係不高於$2.29 既位置買入 (即近日1508 申報既最低位)…而第二注, 就可以等佢跌穿$2.22 時……大約係$2.00 既位置買入

第一個目標先以1508 既最高增持位置$2.46 為起點……下一步為$2.75 一年新高既水平….

 

 

申報, 今早係$2.26 入左100,000股……

2016年前膽

係新一年既開始, 大家都為下一年度既投資而努力準備….今年由美國帶起, 正式走出超低息環境 (但仍然低息), 各地股票市場都一定有唔少既波幅……要估恆指係咩位的確唔容易, 反而我想帶出幾個會影響股市既重要因素 (同埋我自己個人睇法)

  1. 美國加息步伐

市場上普遍都預期, 美國會係2016年加3至4次息….而全年計大約會加1% 左右…..如果一如市場如期的話, 呢個加息幅度對股市既影響力應該有限……反而中間公佈既經濟數據, 係加息週期下市場是否仍有持續復甦既動力先係最影響股市既走勢…… 但個人認為, 美國跟住係大選年, 加息幅度未必如市場中多, 而且聯儲局仍需要唔少時間去觀察加息對經濟環境既影響, 通脹現時亦唔覺有明顯既壓力, 所以我估一年可能只係會加2次息, 合其0.5% 左右…..假如數據唔係太差, 而加息幅度不高的話, 對美股應有正面既影響

2. 美元走勢

美元已經持續強勢好一段時間, 相信呢個走勢係2016年仍然不變, 但由於加息幅度未必要市場中大, 相信美元會持續係高位徘徊 (美匯指數約係100點左右上落), 但未必如過往一樣長升長有……..假如美元能夠保持平衡, 新興市場貨幣以及商品市場 (唔計油) 有望有一定程度反彈….對香港及中國股市屬利好事

3. 油價

由於油組係現時低油價水平仍然唔肯減產, 油價係經濟未有明顯復甦既情況下會因為供求問題而KEEP 住走弱……雖然我覺得未必會好似市場咁估油價會去到US$20 一桶, 但油價係2016年應該仍然保持住係一個低水平 (Below US$40), 低油價對於全球經濟有正面既影響, 亦可以刺激美國國民既消費, 但對於產油既公司就絕對係一個不利既消息

利好: 航空, 航運等高用油量公司, 以及石油相關下游業務 (如石化, 塑膠相關行業) 不利: 石油相關上游業務, 以及頁岩氣等石油代替品

4. 人民幣走勢

人民幣過往多年來都受到中央控制, 即使2008年既金融風暴, 仍然處於不斷升值既情況…..但隨住國家既改革同開放, 人仔同外國開始接軌, 同時間受到其他亞太區貨幣大幅貶值既影響, 人民幣係今年中開始出現明顯既回落……個人傾向相信現時政府傾向等人仔係市場慢慢咁回調到一個佢地心目中既位置 (應該未到但不遠), 然後就等人仔企穩係果個位置度上上落落, 中間如果出現投機性既下挫就會出手頂住…..

但要小心如果突然出現非常大量既沽盤而出現信心崩潰既情況, 即使阿爺出手仍然會有機會造成好大既衝擊, 情況就好似A股既走勢咁樣…..呢個係絕對有機會成為一個港股金融風暴既開端, 但暫時睇落呢個情況出現既機會應該好低

利好: 人仔為生產成本之公司, 以及出口業務 不利:人民幣資產比重高之公司 (匯兌損益問題)

5. 國內貨幣政策

如市場共識, 相信2016年中央仍會以減息/降準等方式去刺激及穩定經濟, 但由於市場上預期一定會出現, 所以對股市既衝擊力應該有限…..由於減息有機會令到資金外流加劇, 而國內存款準備金仍有大幅下調既空間, 所以相信中央會以降準為主要刺激經濟措施

利好: 內銀/內險, 以及借貸比重高之公司 不利: 如不對稱減息, 會影響內銀淨息差收入

6. 中國GDP 結構性改革

正如李克強所講, 中國正處於結構性經濟改革, 將過往以生產為重點轉向為以服務/創新為重點…..亦唔再採用過往以固定資產投資去推高GDP 既方式……呢個對於工資不斷冒升既中國方向性係正確, 但到底能否持續就好難講, 而係講求創新既情況下, 到底真係有幾多成功既例子亦係一個疑問 (一將功成萬骨枯, 有幾多間700, 阿里爸爸跑得出??) 現時睇GDP 就唔好只係睇保6, 保7 既問題…..反而要多D留意下當中細節既變化…….當然, 中國數據一向都有水份, 所以亦只能作一個參考

利好: 互聯網, 健康及其他服務性行業 不利: 傳統生產性工業

7. 國企改革

由之前既南車北車, 到現時既中遠, 中海系…..國企改革重點針對產能過盛, 競爭力弱既傳統國企…..雖然實際效果未必會即時反映, 同時間因為利益問題過程亦會有不少阻撈, 但從方向性睇呢個絕對係一個正確既決定…..從航運系既重組睇到, 中央亦唔係盲目合併國企為改革重點…….精簡業務, 重組架構去提升競爭力先係佢地要做既野……當佢地行出正確一步, 而市場因為氣氛問題而唔受落的話, 反而係一個好好既長線投資機會

利好: 各受改革影響之國企

8. A股入MSCI

深港通已經係一個必定發生既事情, 冇特別需要去諗, 但隨著深港通開通, 國內對外開放亦邁進一大步…..下一步就應該係A股納入MSCI 指數……..2015年年中, 國企正處於火紅既時間, 要佢地高位接火棒當然冇人肯………現時, 指數已經回落不少, 而中國跌市元凶亦已經証明係內鬼所為…..只要中央肯做多少少表示誠意, 相信今年要入MSCI 亦唔算係一件難事……..雖然好似SDR 咁, 即使宣佈入MSCI 亦會有一段長既過渡性時間……..但吸引外資流入亦會成為一個不變既事實…….

利好: 市值高, 業務較獨特既股份

 

可能仍然有值得留意既因素…..但我諗到咩都寫左咩先……如果有其他就之後再補充

你是在長線投資嗎????

好多時候, 投資者買入股票作長線投資時, 會同自己講…”咁平買實冇死”, “公司資產質素穩健, 前景OK, 息率亦唔錯, 長揸實返家鄉”…但買入後如果股票下跌到一定水平….就會同自己講…”日日咁跌, 幾時先跌完”, “冇左幾成, 好肉痛”, “早知唔買, 聽日一開市可能又跌, 都唔知止唔止蝕好”…

好可能, 間公司咩都冇變過, 變既….只係持有者既心態……

當決心長線投資……應該要搞清幾個問題
1. 持貨能力

有D朋友本身根本唔係用閒錢去買, 隨時幾個月隻要用筆錢, 今日都話自己用黎長線投資, 等如自打嘴巴

2. 投資對象

講得係長線投資, 當然要對公司有一定了解, 如果了解越深, 信心自然越大…..受動搖既程度亦會下降

3. 買入時機

除左靠運氣, 根本係好難係最低位去買入一隻股票…但亦唔代表優質既股票任何時候買入都OK (有買貴冇買錯呢個道理, 某程度上有D問題), 要真係等到”抵”, 先好考慮買入作長線投資…個人投資唔講, 就以我個仔既長組合為例………中間經濟過大時代既急升, 亦面對左之後7, 8月既股災……但其實大家可以見到我根本就冇幫佢出出入入…….而當大家仍然擔心手上既股票係唔係需要清倉既時候……佢手上買既股票全部仍然有一定盈利……..呢個就係買入時機既重要性

(http://www.kyle-tsang.com/information/long_term_stock_portfolio/)

 

希望大家係打算作長線投資時, 真係認認真真地對公司研究一下…..一旦落實, 亦唔好因素大市短線既上上落落而動搖自己既決定……當然, 如果市場出左一D關於公司既意外消息, 可能要revisit 一下投資既取向……否則, 必須堅持自己既信念….唔放心既, 最多放一個低D既止蝕位置

冠華國際控股 (#0539)

有朋友問到我個BLOG, 先發覺原來自己已經有一段時間冇update….之前都曾經係facebook 同大家講過539 抵買…..不過就趁今次機會大家分享下點解抵買

2015年interim report – http://www.hkexnews.hk/listedco/listconews/SEHK/2015/1127/LTN20151127620.pdf

 

賣點:

  1. 從行業前景睇, 公司屬於傳統產及, 發展潛力一定不及其他新興行業 (如科網), 但公司勝左業績平穩, 最新中期報告每股盈利為$0.076. 以全年度盈利持平計, 每股盈利可達$0.152, PE 只有5.4 倍.
  2. 同對上一個年度比盈利大幅下跌, 主要來自上年同期之一次性收入$228M 及今年有$56M 之衍生工具既fair value loss (上年只有$15M), 若單以基本營運計其實仍然有少許增長…..以咁低既PE計可以持平已經難得
  3. 公司賺到錢都係其次, 派息穩定先能夠真正回饋股東, 539 過往年年都有派中期及某期股息, 雖然唔算係不斷增長, 但每一年最少都派$0.06 (我由2010年開始睇), 上年計及特別息更高達$0.12….今次中期已經派$0.04, 假設末期股息想若的話全年都已經有$0.08…..相當於9.8% yield….相信市場唔多公司可以有咁高既dividend yield
  4. 公司本身一向gearing ratio 較高, 係一個較差既地方, 但佢近期兩次於$1.00 配股集資約$200M, 加上本身手持$2,300M 現金…..營運方面現金流應該完全冇問題…….公司本身每股資產值約$2.69 (已計及配股影響), 加上佢最值錢既廠房 (佔超過$3,000M) 係以成本入賬, 實際價值可能會遠高於賬面值, 所以防守性應該都算高
  5. 睇番之前既大股東轉手record, 現時大股東Hill David Henry係於2012年4月20日自Newcorp Holdings Ltd 購入703,924,000 股…..之後反覆增持到現時水平……雖然冇提供作價……但我地可以作Newcorp 既過往申報作出推測…….我由2009年開始睇 (之前股價應該只會更高), Newcorp 係2011年7月29日以$1.747 增持約258,000,000股, 而到最後一次增持係2012年3月2 日, 以$0.718 增持約24,000,000股…….由於係$1.00 樓下增持只佔好少部份…..而大部份既買入位都係$1.5 之上……好大既可能性係Newcorp 既成本係高於$1.5……當然, 佢可能能會蝕住離場, 但計及大股東控制權及殼價等利益, 相信佢出售既價格唔會低於$1….計及之後其派息除淨因素, 現時大股東成本亦應該不低於$0.8….現時市價同大股東成本相距不遠, 值搏空間上升
  6. 之前配股後股價不斷下滑, 有同大家分析過係因為其中一個broker (Kingston) 持股量急促下降, 但隨住呢個broker 已經清左手上既貨, 股價就立即回穩……現時主要兩大股東 (59.02%) 加上兩大基金 (18.06%) 已經持有超過77% 既股權…….街貨量唔高, 再大跌既空間有限
  7. 公司前景有機會受惠於TPP 概念, 本身公司亦有提到其分拆業務上市之可能性…但此兩者既動力不算大強

 

風險

  1. 公司負債比重高, 為過往一直存左之問題……當然, 佢持續有息派, 而且上市多年, 所以出事機會會比一般新上市公司低好多…..但負債比重高係一個事實, 加息對其亦有負面影響
  2. 睇番上面第五點, 之前有人不問價越沽越低……原因到現時仍然不明 (因為冇咩特別消息出, 業績亦冇走樣)……人地揸過億貨當然唔係傻仔, 要沽亦有其理由, 如果之後又有投資者明顯出貨的話, 可能有消息跟尾……否則, 只需要視為一般套現行動
  3. 股價平係一個事實, 走勢差亦係另一個事實………一隻股票走勢差, 無論其投資價值有幾高, 都有好大機會要坐貨一段時間…..當中仍然有因為走勢分析而沽貨既投資者……所以要有捱價心理準備

 

總結

大家可以考慮視539 為中長線既投資…..一方面收取10% 股息, 另一方面搏抵買而有中線既資本增值……..可考慮於$0.80-$0.83 位置買入,以$0.72 為止蝕 ($0.73 為近期低位), 先以之前配股價$1.00 為第一目標, 下一目標為$1.3