Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

投資, 股票投資, 股巿短評, 個股分析, 投資組合, 即巿交流

投資分享

All of the posts under the "投資分享" category.

散戶資金有限, 到底應該如何作出投資部署

作為投資新手, 除了在投資經驗及知識有所不足外, 最大的問題可能在於資金有限.

只能買入兩三隻股票, 如果不是眼光獨到 (或者運氣甚佳), 組合表現隨時大幅跑輸大市.

個人有兩個建議, 可以給予大家作參考 (下面以本金十萬元作例子):

 

1) 透過ETF 等相關工具作分散投資

 

如果大家有留意我個人網頁的長線投資組合 (即我替兒子投資那個), 其實也是套用相同的方法.

當年 (2014年) 分別替兒子入了三隻股份 (#388 – 100股@$174.6, #1919 – 10,000股@$3.335, #2823 – 2,000股@$9.47)

 

買入#0388 (約1/4 本金), 是因為其表現和恆指走勢關連性甚高, 如果港股表現不錯, 港交所亦不會太大.

當然, 再保守點可以盈富基金(#2800) 作代替. 不過個人認為港交所的長線表現應跑贏恆生指數, 所以當時才有此決定.

 

而買入#2823 (約1/4本金), 就等同於投入整個A股市場. ETF 的好處, 就是買一隻股份, 可以等同於買入幾十隻股份.

那就已經解決了大家資金有限的問題. 亦不用擔心某一股份因出事 (如造假停牌等) 而出現大幅損失的問題, 因為ETF 會定期調整其成份股組合 (視乎其追蹤指數).

 

買入上述兩隻共用了一半的資金, 但其實已經等同於買入了恆指和A股了. 而剩下的一半資金買入了中遠洋 (習慣了其舊名), 其實是個人認為其週期性特徵可以大幅提高整體組合的投資回報

事後亦証明此推論正確, 中遠洋自當日至今已升了55%, 明顯大幅跑贏恆指而拉高了整體組合回報. 當然, 港交所及A股ETF 的表現也不錯, 各自升了23% 及47%. 不要忘記當中還未包括股息的回報呢.

 

 

整個投資的概念, 就是以一半的資金買入指數相關產品, 確保整體表現不會大遜於整體市場. 而剩下的一半資金, 則可採取較進取的方式去擴大自己的回報.

更甚的事, 大家可以將剩下的資金再一分為二, 其中一份繼續選擇自己的心水. 而剩下一半就可以作短線投資/投機, 給予自己一個實戰的經驗.

 

 

2) 集中火力買單一產品

 

正如我另一篇文章所講, 我是極度不建議採取一注獨贏的投資策略. 此方式所指的產品, 仍是一籃子型式而投資的ETF.

現時市場有不少ETF 產品, 可以直接買國際性股票市場, 不單港股及A股, 南韓, 日本, 美國, 歐洲, 印度等都有ETF 交易. 雖然部份成交量不算大, 但對於資金有限的散戶應該都已經足夠了.

 

大家可以先找一個特定的目標, 然後選擇以分段方式去吸納.

首先將手上的資金分為若干部份, 然後採取漸退式的方法作硬性投資.

 

以盈富基金(#2800) 作例, 大家可先訂立一個大型週期的波幅 (如20,000點至36,000點), 再將該波幅劃分為幾個目標位置 (如20,000點, 24,000點, 28,000點, 32,000點, 36,000點)

波幅的中幅點為28,000點, 於28,000點就買入20%, 如果回到24,000點就買入30%, 如果回到20,000 就買入40%. 那剩下的10%, 就當是緩衝的資金給自己調配好了.

反而向上的話, 就採取越高放越小部份的策略. 如果到32,000點, 就將自己買入的總數50% 沽出, 如果到36,000點就將自己買入的30%沽出. 剩下的20% (那時已經超過了自身波幅的預測), 那就任它高飛好了.

當然, 上面只是一個例子, 大家亦可按自己的資金及風險承受程度去調整買入/沽出的段數以及資金比例. 最主要的重點在於, 低入買入的比例要越低越大, 而沽出的比例要越高越少那就可以了.

 

 

 

其實這只是個人的建議方式給大家參考, 希望可以幫助到資金有限的新手.

不過, 如果大家的可動用資金真的太少, 上述兩者也未必可行. 那我會建議大家還是努力工作, 先儲多點錢才再作投資啦.

2016年前膽

係新一年既開始, 大家都為下一年度既投資而努力準備….今年由美國帶起, 正式走出超低息環境 (但仍然低息), 各地股票市場都一定有唔少既波幅……要估恆指係咩位的確唔容易, 反而我想帶出幾個會影響股市既重要因素 (同埋我自己個人睇法)

  1. 美國加息步伐

市場上普遍都預期, 美國會係2016年加3至4次息….而全年計大約會加1% 左右…..如果一如市場如期的話, 呢個加息幅度對股市既影響力應該有限……反而中間公佈既經濟數據, 係加息週期下市場是否仍有持續復甦既動力先係最影響股市既走勢…… 但個人認為, 美國跟住係大選年, 加息幅度未必如市場中多, 而且聯儲局仍需要唔少時間去觀察加息對經濟環境既影響, 通脹現時亦唔覺有明顯既壓力, 所以我估一年可能只係會加2次息, 合其0.5% 左右…..假如數據唔係太差, 而加息幅度不高的話, 對美股應有正面既影響

2. 美元走勢

美元已經持續強勢好一段時間, 相信呢個走勢係2016年仍然不變, 但由於加息幅度未必要市場中大, 相信美元會持續係高位徘徊 (美匯指數約係100點左右上落), 但未必如過往一樣長升長有……..假如美元能夠保持平衡, 新興市場貨幣以及商品市場 (唔計油) 有望有一定程度反彈….對香港及中國股市屬利好事

3. 油價

由於油組係現時低油價水平仍然唔肯減產, 油價係經濟未有明顯復甦既情況下會因為供求問題而KEEP 住走弱……雖然我覺得未必會好似市場咁估油價會去到US$20 一桶, 但油價係2016年應該仍然保持住係一個低水平 (Below US$40), 低油價對於全球經濟有正面既影響, 亦可以刺激美國國民既消費, 但對於產油既公司就絕對係一個不利既消息

利好: 航空, 航運等高用油量公司, 以及石油相關下游業務 (如石化, 塑膠相關行業) 不利: 石油相關上游業務, 以及頁岩氣等石油代替品

4. 人民幣走勢

人民幣過往多年來都受到中央控制, 即使2008年既金融風暴, 仍然處於不斷升值既情況…..但隨住國家既改革同開放, 人仔同外國開始接軌, 同時間受到其他亞太區貨幣大幅貶值既影響, 人民幣係今年中開始出現明顯既回落……個人傾向相信現時政府傾向等人仔係市場慢慢咁回調到一個佢地心目中既位置 (應該未到但不遠), 然後就等人仔企穩係果個位置度上上落落, 中間如果出現投機性既下挫就會出手頂住…..

但要小心如果突然出現非常大量既沽盤而出現信心崩潰既情況, 即使阿爺出手仍然會有機會造成好大既衝擊, 情況就好似A股既走勢咁樣…..呢個係絕對有機會成為一個港股金融風暴既開端, 但暫時睇落呢個情況出現既機會應該好低

利好: 人仔為生產成本之公司, 以及出口業務 不利:人民幣資產比重高之公司 (匯兌損益問題)

5. 國內貨幣政策

如市場共識, 相信2016年中央仍會以減息/降準等方式去刺激及穩定經濟, 但由於市場上預期一定會出現, 所以對股市既衝擊力應該有限…..由於減息有機會令到資金外流加劇, 而國內存款準備金仍有大幅下調既空間, 所以相信中央會以降準為主要刺激經濟措施

利好: 內銀/內險, 以及借貸比重高之公司 不利: 如不對稱減息, 會影響內銀淨息差收入

6. 中國GDP 結構性改革

正如李克強所講, 中國正處於結構性經濟改革, 將過往以生產為重點轉向為以服務/創新為重點…..亦唔再採用過往以固定資產投資去推高GDP 既方式……呢個對於工資不斷冒升既中國方向性係正確, 但到底能否持續就好難講, 而係講求創新既情況下, 到底真係有幾多成功既例子亦係一個疑問 (一將功成萬骨枯, 有幾多間700, 阿里爸爸跑得出??) 現時睇GDP 就唔好只係睇保6, 保7 既問題…..反而要多D留意下當中細節既變化…….當然, 中國數據一向都有水份, 所以亦只能作一個參考

利好: 互聯網, 健康及其他服務性行業 不利: 傳統生產性工業

7. 國企改革

由之前既南車北車, 到現時既中遠, 中海系…..國企改革重點針對產能過盛, 競爭力弱既傳統國企…..雖然實際效果未必會即時反映, 同時間因為利益問題過程亦會有不少阻撈, 但從方向性睇呢個絕對係一個正確既決定…..從航運系既重組睇到, 中央亦唔係盲目合併國企為改革重點…….精簡業務, 重組架構去提升競爭力先係佢地要做既野……當佢地行出正確一步, 而市場因為氣氛問題而唔受落的話, 反而係一個好好既長線投資機會

利好: 各受改革影響之國企

8. A股入MSCI

深港通已經係一個必定發生既事情, 冇特別需要去諗, 但隨著深港通開通, 國內對外開放亦邁進一大步…..下一步就應該係A股納入MSCI 指數……..2015年年中, 國企正處於火紅既時間, 要佢地高位接火棒當然冇人肯………現時, 指數已經回落不少, 而中國跌市元凶亦已經証明係內鬼所為…..只要中央肯做多少少表示誠意, 相信今年要入MSCI 亦唔算係一件難事……..雖然好似SDR 咁, 即使宣佈入MSCI 亦會有一段長既過渡性時間……..但吸引外資流入亦會成為一個不變既事實…….

利好: 市值高, 業務較獨特既股份

 

可能仍然有值得留意既因素…..但我諗到咩都寫左咩先……如果有其他就之後再補充

你是在長線投資嗎????

好多時候, 投資者買入股票作長線投資時, 會同自己講…”咁平買實冇死”, “公司資產質素穩健, 前景OK, 息率亦唔錯, 長揸實返家鄉”…但買入後如果股票下跌到一定水平….就會同自己講…”日日咁跌, 幾時先跌完”, “冇左幾成, 好肉痛”, “早知唔買, 聽日一開市可能又跌, 都唔知止唔止蝕好”…

好可能, 間公司咩都冇變過, 變既….只係持有者既心態……

當決心長線投資……應該要搞清幾個問題
1. 持貨能力

有D朋友本身根本唔係用閒錢去買, 隨時幾個月隻要用筆錢, 今日都話自己用黎長線投資, 等如自打嘴巴

2. 投資對象

講得係長線投資, 當然要對公司有一定了解, 如果了解越深, 信心自然越大…..受動搖既程度亦會下降

3. 買入時機

除左靠運氣, 根本係好難係最低位去買入一隻股票…但亦唔代表優質既股票任何時候買入都OK (有買貴冇買錯呢個道理, 某程度上有D問題), 要真係等到”抵”, 先好考慮買入作長線投資…個人投資唔講, 就以我個仔既長組合為例………中間經濟過大時代既急升, 亦面對左之後7, 8月既股災……但其實大家可以見到我根本就冇幫佢出出入入…….而當大家仍然擔心手上既股票係唔係需要清倉既時候……佢手上買既股票全部仍然有一定盈利……..呢個就係買入時機既重要性

(http://www.kyle-tsang.com/information/long_term_stock_portfolio/)

 

希望大家係打算作長線投資時, 真係認認真真地對公司研究一下…..一旦落實, 亦唔好因素大市短線既上上落落而動搖自己既決定……當然, 如果市場出左一D關於公司既意外消息, 可能要revisit 一下投資既取向……否則, 必須堅持自己既信念….唔放心既, 最多放一個低D既止蝕位置

電訊商出售鐵塔相關資產之財務影響

係未作出分析之前, 當然要先知道交易內容係咩啦, 所以請大家先睇睇下面一段來自經濟通10月15日既新聞先:

 

中國鐵塔14日與中國電信、中國移動、中國聯通三家基礎電信企業,以及中國國新控股簽署交易協議,將向三家電信企業收購全部存量鐵塔相關資產,評估值約2314億元(人民幣.下同),並同步引入新股東中國國新。中國鐵塔將以發行股份與支付現金相結合的方式,收購上述資產。

根據中國聯通公告,公司子公司聯通運營、聯通運營子公司聯通新時空通信擬分別向中國鐵塔轉讓部分存量鐵塔資產,鐵塔資產評估值合計約631﹒85億元。

交易完成後,中國鐵塔將有4名股東,分別是中國電信、聯通運營公司、中國移動通信、中國國新控股,4家股東分別持有的股份佔交易完成後中國鐵塔總股本的比例依次為27﹒9%、28﹒1%、38%、6%。

鐵塔公司董事長劉愛力表示,這標誌著鐵塔公司繼快速形成新建能力的戰略目標後,即將完成第二步戰略目標,也標誌著近170萬鐵塔、2600多億資產的運營管理和運行維護的責任即將落在鐵塔公司肩上。

 

簡單去睇, 就係三間電訊商各自有其鐵塔資產 (固定資產), 透過今次交易, 佢地會將資產出售中國鐵塔 (換取現金及中國鐵塔股份), 而將來中國鐵塔將負起營運資產既責任, 三間電訊商則需要支付鐵塔既租賃費用….對於財務報表上既影響, 可以分為即時性及長遠性

對資產負債表之影響

即時性 長遠性
–          固定資產大幅減少 –          應佔聯營公司資產上升 (假設中國鐵塔持續有盈利)
–          現金上升 –          現金減少 (因需支付中國鐵塔租賃費用)
–          持有中國鐵塔投資 (應屬聯營公司) –          資本性開支下降, 固定資產保持於低水平

 

從整體上看, 鐵塔資產變現能力低 (只有營運才有價值), 而且公司即時能得到大量現金, 所以從估值計有正面影響. 假如將來中國鐵塔上市的話, 正常情況下亦會有溢價 (PB ratio 大於1), 公司持有之中國鐵塔股份估值亦可提升

 

對損益表之影響

即時性 長遠性
–          出售固定資產而出現一次性盈利 (因出售估值比賬面值高17.6% 至20.0%) –          折舊開支 (非現金性開支) 減少
–          租賃開支 (現金性開支) 上升
–          聯營公司 (中國鐵塔) 收入上升

 

從整體上看, 短時公司有明顯既一次性收入 (根據瑞信預測, 中移動, 中電訊及中國聯通各自稅前收入為195億, 97億 及51億人仔), 往後長遠性影響要視乎租賃費用多少來決定 (仍未有詳細公佈), 但有一點要留意, 現金流既支出長遠計一定係上升 (因由非現金性之折舊開支轉為現金性之租賃開支)…撇開synergy effect 去睇, 其實即係等如一開支收一大筆錢 (出售資產) 之後慢慢洗 (租賃開支)

 

睇完基本既分析, 相信大家最關心都係股價….整體上計, 由於資產由中國鐵塔一間公司去營運, 相對上efficiency 可以提高, 有一定既協同效益(synergy effect), 例如, 原本三間電訊商需要三個維修部, 現時一個就已經搞掂, 又或者可以將鐵塔既utilization ratio 提高……相信正面既反應會較大, 不過…….但除此之外, 有幾個因素都會有好大既影響:

 

  1. 租賃費用 – 中國鐵塔自己都要搵食, 所以佢冇可能收取蝕本價…雖然有synergy effect, 但同時佢都要收一個mark-up 提供自身盈利….理論上呢個mark-up 應該比synergy effect 低, 但低幾多會直接影響到三大電訊商既收入
  2. 公司如何運用即時性收取之現金 – 電訊商本身已經係cash cow, 透過今次交易可以大量套現, 如何運用資金將會有決定性作用…….正如上面所講, 佢地之後係要俾租賃費既現金開支, 如果預先收定既錢係得物無所用的話, 咁實際性既利益就會不高 (只有出售既溢價)
  3. 公司發展方向 – 過往, 當有新制式推出 (如2G 變3G, 3G變4G), 公司都需要預留大量既現金作升級…..現時呢個責任已經落到中國鐵塔既身上, 咁理論上公司係可以有更多既現金去作派息或其他用途…..電訊商既cash cow mode 都吸引唔到好息之徒, 要留意交易過後派息比率有否改變…..如果冇, 會唔會有吸引既發展方向 (需要投入大量現金)

人民幣急跌, 各板塊前景如何??

自從匯改以來, 人仔一直都係向上走, 相信有唔少投資者過去幾年都有財息兼收既情況…不過自從昨日既調整過後…..相信人仔既升值預期已經不再, 大家既重點都在於人仔會否繼續貶值下去…….因為現時匯率仍受到中央政府控制, 而阿爺亦唔希望資金大量流出, 所以佢應該會控制人民幣係一定水平……當然, 人仔長升長有既情況已經不再, 我地亦應該諗下邊個板塊會因而受惠/受害

內房– 由於人仔既升值能力減弱, 所以佢既保值能力自然下降…..”相對性” 地磚頭既保值能力自然會提高……所以對於內房既銷售會有正面既影響….但同時間, 有唔少內房都係以美元發債 (貪佢地息夠平, 而且人仔強勢佢地可以賺匯水, 到期時相對還小D美金)…..當人仔貶值, 美元既債務價值就會相對地提高……本身內房既收入主要都係人仔, 所以收入未能抵銷債務既匯兌損失……而且內房既債務比重甚高…….所以整體上會係弊多於利

航空– 一方面佢地買既飛機 (成本) 多數以外幣計價……但收入就係以人仔為貨幣既機票…….當人仔升時收入會相對性提高而成本會相對性下降, 所以等同於賺兩邊……..因此過去數年匯兌收入一直都係航空股既利潤一大來源……..現時情況就會剛好相反………所以差不多屬於最不利之行業

航運– 當人仔貶值, 係國際市場計物品既出口價格會下降, 相對上競爭力會提高 (呢個就係有人話有利出口既原因), 航運股將會受惠於出口量上升….屬利好板塊之一

內銀– 呢個行業今日剛有大行出報告講實際上既影響, 所以唔駛自己打 (source 經濟通) “花旗指出,人民幣貶值對各內銀的匯兌影響有限,只會對各銀行的海外業務盈利有一定影響,而外匯佔整體內銀股東資金只有1﹒5%,當中工行及中行的佔比最高,分別達18%及12%。

該行又認為,人民幣若貶值5%,只會對內銀盈利有1%的正面影響,中行及工行亦只有約3%至4%的正面影響”

傳統工業股– 由於不少傳統工業股都係係大陸設廠, 再將製成品出口到世界其他國家, 人仔貶值可直接減低公司於國內生產既成本, 競爭力及利潤皆有利

資源股– 按道理, 人民幣貶值能減低開採成本, 對國性競爭性亦可提高…但由於亞太區各國貨幣貶值已持續一段時間, 資源類商品價格主要仍視市場供求而定….除非人仔貶值得好勁…..否則實際上對資源股既利益未必如想像中大

保險股– 保險公司之收入主要來自大陸市場, 而其投資則有不同貨幣, 所以人仔貶值是否有利視乎其投資分佈…..但根據主要保險股 (平保及人壽) 2014年年報提供之資料, 人民幣貶值對其公司盈利皆有正面影響

 

由於時間有限, 所以只係寫住咁多…….不過其實有一個好簡單而且有用既方法提供俾大家, 可以大概知道你有興趣既公司會否因為人仔貶值而有利……其實大家可以打開你想睇既公司最近期既一份年報…….係Notes to the financial statement 入面, 係有一個Note 關於Risk management, 而入面會有一個叫currency risk 既野………當中會quantify 主要交易貨幣升值/貶值時對公司盈利既影響………咁係唔係好簡單直接呢???

get_footer() ?>