Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

Kyle Tsang 股票投資分享 – 投資, 股票投資, 股巿短評, 個股分析, 投資組合, 即巿交流

投資, 股票投資, 股巿短評, 個股分析, 投資組合, 即巿交流

即巿交流

All of the posts under the "即巿交流" category.

14 May 2014 即市交流

美股繼續破頂但上下波幅好少, 應該係順勢追入既資金同獲利沽盤拉鋸既局面, 基本面不俗但又冇特別利好/利淡消息令股市走單邊…….中間隨時會出現大幅震盪既情況, 不過向好型態應該暫時不變……

大陸昨日亦出現窄幅上落走勢, 不過以前日升超過2%計算, 昨日既回調算係好合理….主要關鍵在於呢兩三日會唔會繼續有成交向上扭轉整體牛皮偏淡既情況, 信心呢下野真係好難估….亦都好難扭轉


要留意700 將會係今日公佈季度業績, 市場預期佢既增長會再度加快…….同上一次有少少唔同, 上次係好近歷史高位情況下出業績, 市場期望好大, 所以出現少少差錯 (上次都講過) 就已經會造就大型既跌幅…………不過今次已經由高位回調廿幾三十%, 除左係因為美國科技股不振外, 同投資者對700既預期亦有關係 (現時700既估值係建基於預期既盈利表現, 亦係之前提過)………今次只要表現大致乎合市場預期的話, 再大幅調整既機會就唔高啦 (大犘都未出前吹定先)

13 May 2014 即市交流

美國創歷史新高, 已經屬預期之內既事情, 因為市場具備繼續向上既條件 (見昨日即市交流). 至於令到香港急升, 都係因為大陸股市既走勢 (大陸升得比香港更多)..

一直都提到, 大陸唔升完全係因為股民信心既問題…….偶爾出現好既消息, 不過好似股民好快就消化有關消息, 導致出現不斷尋底既格局…..今次大陸政府針對信心而出發, 公佈既新國九條就係主力於資本市場既改革, 股市憧憬呢個係大陸對股市出手既第一步, 信心加強左就自然會入市…..佢地都希望好似舊國九條一樣, 可以對大市有正面既影響


根據過往既情況, 大陸對好消息一向都係兩三日就完全消失…..要知道今次會唔會令大陸真正見底, 應該好快就會知道…..

12 May 2014 即市交流

最近寫果兩隻個股分析, 622 同埋361…….
622 首先跑出 (由推介時$0.18 最高升到上星期五既$0.219) 係可以理解, 因為622 睇重既係佢既資產豐厚, 每股淨現金價已經高於市值, 係市況唔明朗既情況下, 投資者既心態多數都轉向保守, 所以有實質資產而折讓大既公司一定有吸引力, 而且又唔需好似指數股要擔心被指數拉低而下跌


相反, 361 係著重於美國經濟復甦令佢重拾盈利增長, 但係資產質數就不及622, 所以佢落後亦都係好正常…..相信當市場信心回穩時佢應該都可以有一番作為

雖然近期冇咩人LIKE 我既facebook, 不過由於近期有唔少二, 三線股都出現比較大幅度既下挫, 部份有基本因素既公司既吸引力已經大增, 所以我會花多D時間去分析D有投資價值既股票, 若果可以低位吸納, 回報可以好吸引

9 May 2014 即市交流

昨晚瞓覺時, 杜指剛破16,600 既上星期收市新高…….而NASDAQ 亦升近1%, 原本以為昨日會破位後升到尾….不過中段反而出現倒跌既情況, 最後收市亦只係升少少….

美國既情況似乎同香港/中國掉翻轉: 本身市場走勢非常利好, 但係公司估值就越黎越高, 股價不斷嘗試創新高, 但同時有人因為估值既問題而高位沽貨……相反, 香港/中國公司既估值因素已經跌到去近年低位位置 (唔可以話最低, 不過一定係低於平均水平), 雖然有人因為估值便宜而入市, 但係走勢向淡亦係一個事實, 資金不斷流出, 沽壓沉重而令到股價不斷向下……


當然, 以風險角度計……投資後者既安全性一定比前者高, 不過向淡情況唔會一下子轉變, 所以捱價既時間亦唔會短

8 May 2014 即市交流

美國又玩高位大上大落…….計番其實都係無咩上落……
只係大陸都係仍然偏淡……所以香港都好難升得上


昨日成交已經重上600億樓上, D放假既人都開始回歸. 雖然市場冇特別利淡既消息, 但係由於資金既流向都係以造淡為主, 而市場上又冇積極既買盤支持……係冇大對手既情況下所以個市就繼續向下……….唔單只係整體市況, 就連個別版塊既資金都係以非常快既速度流入流走……可能睇中隻野, 唔夠兩三日就已經玩完 (甚至係一日)……因此呢排都冇特別野可以同大家分享

get_footer() ?>